- Universiteti Veror për Demokraci

Jeni duke shikuar: Home

Universiteti Veror

Universiteti Veror për Demokraci

Aktiviteti kulmor i Shkollave Politike përgjatë një viti është Universiteti Veror për Demokraci, i cili mbahet në Strasburg. Më 2006, për të rritur profilin/dukshmërinë e programit dhe nxitjes së rrjetëzimit mes pjesëmarrësve të 16 Shkollave, seminaret përmbyllëse u bashkuan për herë të parë në një aktivitet të madh të përbashkët – UVD, që mbahet në partneritet me Qendrën Evropiane për Administratë Publike në Francë. Ky aktivitet i madh mbledh së bashku të gjithë (mbi 600) pjesëmarrës të shkollave për studime politike.

Shkolla Politike e Prishtinës në këtë aktivitet të madh deri më tani është përfaqësuar me mbi 130 pjesëmarrës.

Në katër edicionet e UVD-së është diskutuar për demokracinë, pushtetin, krizën globale, etj. Përgjatë një jave sa zgjatë aktiviteti, pjesëmarrësit e të gjitha shkollave kanë mundësi të ndëgjojnë diskutimet e personaliteteve të fuqishme të politikës evropiane dhe botërore, akademikëve të shquar e shumë aktivistëve nga fusha të ndryshme.

Paraprakisht, pjesëmarrësit kanë mundësi të vendosin për temat që duan ti ndjekin në universitetin veror. Varësisht nga profili profesional bëhet edhe përzgjedhja e temave.

Kalendari 2012