- Rrjeti i shkollave

Jeni duke shikuar: Home

Rrjeti i shkollave

Me rritjen e aktiviteteve për çdo vit është shtuar skajshmërisht numri i pjesëmarrësve që marrin pjesë në projektet e PIPS-it. Shkolla Politike e Kosovës ka krijuar edhe Alumnin e saj. Ajo është përpjekur vazhdimisht të mbajë kontaktet me ta duke i riangazhuar në projekte sa herë që ka pasur mundësi. Dhjetëra të tillë e kanë përfaqësuar Shkollën Politike në konferenca e seminare ndërkombëtare. Për cdo vit, katër prej tyre marrin pjesën në takimet rajonale që organizohen nga Shkolla e Bullgarisë. Të tjerët kanë pasur mundësi të marrin pjesë në aktivitete të ndryshme rajonale si në Maqedoni, Kroaci e Ukrainë.

Rrjeti i tjetër i Shkollës Politike të Prishtinës është i ndërtuar me 15 shkollat e tjera të rajonit të Euroazisë. Shkollat Politike të mbështetura nga Këshilli i Evropës, synojnë të trajnojnë gjeneratat e ardhshme të udhëheqësve politik, ekonomik, social dhe kulturor në vendet në tranzicion. Projekti i Shkollave për studime politike është program i përbashkët i Këshillit të Evropës dhe Komisionit Evropian.

Përpos kontributeve bazike financiare të Këshillit të Evropës, shkollat financohen nga kontributet e shteteve anëtare dhe /ose vëzhguese, nga programet e ndryshme të Komisionit Evropian dhe fondacioneve ndërkombëtare. Shkolla e parë është themeluar në Moskë më 1992. Deri tani, shkollat janë themeluar në Shqipëri, Armeni, Azerbagjan, Bosnjë dhe Hercegovinë, Bullgari, Kroaci, Gjerogji, Kosovë, Maqedoni, Moldovi, Mal i Zi, Rumani, Rusi dhe Ukrainë. Shkollat operojnë si rrjete rajonale dhe organizojnë aktivitete rajonale, veçanërisht në Ballkan dhe Kaukaz. Drejtorët e shkollave takohen disa herë gjatë vitit për të koordinuar aktivitetet e tyre dhe shkëmbyer përvojat e praktikat e mira.

Kalendari 2012