- Ish Presidenti Sejdiu: "Për veriun, zbatoni vetëm Planin Ahtisaari"

Jeni duke shikuar: Home

Për ne

Lajmet

Ish Presidenti Sejdiu: "Për veriun, zbatoni vetëm Planin Ahtisaari"

Shkolla Politike e Prishtinës ka nisur programin për gjeneratën e dhjetë në këtë vit. I ftuar të diskutoj për temën "Katër vitet e pavarësisë: Çfarë është bërë dhe çfarë mund të bëhet" ka qenë ish Presidenti i Kosovës, Fatmir Sejdiu.

Përgjatë dy orëve, Sejdiu ka folur për Kosovën pas çlirimit, sfidat e kosovarëve nën administrimin ndërkombëtar që rezultoi me pavarësinë e vendit por me një mungesë të theksuar të shtetndërtimit.

Njëra prej sfidave më të rëndësishme e Kosovës ishte dhe është sipas Sejdiut, çështja e veriut të vendit që për të duhet refuzuar çfarëdo ideje tjetër pos zbatimit të Planit të Ahtisaarit. "Nuk ishte e lehtë të arrihej deri tek Pakoja e Ahtisaarit. Mes kompromisesh, ky propozim zgjidhjeje rezultoi i mirë për Kosovën, u pranuan disa komuna të reja serbe e në të parashihet edhe zgjidhja për Mitrovicën. Asnjë plan tjetër nuk duhet pranuar pos zbatimit të Planit të Ahtisaarit për Kosovën" ka thënë Ish Presidenti, njëherësh udhëheqës i negociatave me Serbinë Ai nuk është shprehur kundër dialogut me Serbinë por ka kërkuar kujdes në marrëveshjet që arrihen, e veçmas problem për të do shfaqen edhe fusnotat e çfarëdo tjetër që nuk është në favorin e vendit. Për Ish Presidentin, duhet një balanc i qartë pushtetesh dhe që politika nuk duhet të ndërhyj në sistemin gjyqësor, në institucione të pavarura, në polici apo dogana. Ai u është përgjigjur shumë pyetjeve të pjesëmarrësve që prej rolit të tij në procesin e shpalljes së pavarësisë dhe në rrjedhën e mëpastajme të ngjarjeve. Në këtë forum është folur edhe për cështjen e dorëheqjes së tij nga Presidenti dhe pasojat e mëpastajme. Shkolla Politike është program kryesor i Institutit të Prishtinës për Studime Politike, PIPS që ka për qëllim edukimin politik të liderëve të rinj përmes promovimit të debatit dhe kulturës politike.

Kalendari 2012