Ish negociatori për statusin e Kosovës, Albert Rohan ka ligjëruar në Shkollën Politike të Prishtinës për temën “Quo vadis Evropa”. Përgjatë një ore, Rohan para gjeneratës së dhjetë dhe Alumnive të PIPS-it ka folur për krizën aktuale në Evropë, kriza e Greqisë, eurozona, politika e jashtme e përbashkët e deri tek raportet Francë-Gjermani pas zgjedhjes së Presidentit të ri. Pashmangshëm ai ka folur edhe për Kosovën, planin Ahtisaari dhe fundin e mbikëqyrjes së pavarësisë.

Aktiviteti i është pasqyruar edhe në mediat kosovare. Më poshtë, shkrimi në të përditshmen Koha Ditore

Shkolla Politike e Prishtinës ka përfunduar seminarin e dytë "Institucionet, Qeverisje dhe Demokracia" që është mbajtur në Prishtinë nga 20-21 Prill 2012. Në këtë seminar, të dytin me radhë për gjeneratën e dhjetë të Shkollës, kanë ligjëruar njohës të rëndësishëm dhe personalitete të shkencës nga Kosova, Shqipëria dhe Maqedonia. 

 

Instituti i Prishtinës për Studime Politike, PIPS ka përzgjedhur gjeneratën e dhjetë të Shkollës Politike për vitin 2012. Pas afatit prej dy javësh të hapjes së konkursit, pranimit të qindra aplikacioneve dhe selektimit përmes intervistave e testeve, PIPS ka përzgjedhur grupin e ri të Shkollës Politike.